Гули сури

Чун ғунча бикун лаб во, эй гул ту гули сурӣ,

Баҳри чу мане шайдо,эй гул ту гули сурӣ.

Дар гулшану гулзорон, дар боғу чаманзорон,

Чун ту набувад пайдо, эй гул ту гули сурӣ.

Маҳ чеҳра бипушонид, кавкаб ба замин афтид,

Аз равшании симо, эй гул ту гули сурӣ.

Булбул зи наво хомуш, савсан к-у бирафт аз хуш,

Аз шеваю аз ово, эй гул ту гули сурӣ.

Чун дида гарон асти, дар сина ниҳон астӣ,

Ҷонам ба фидо бодо эй гул ту гули сурӣ.